Ներքին գործերի նախարարության Աբխազիայի Ինքնավար Հանրապետության ոստիկանության դեպարտամենտի աշխատակիցները, խոշոր և առանձնապես խոշոր չափերի թմրանյութերի ապօրինի ձեռքբերման և պահպանման, ինչպես նաև ապօրինի վաճառքին նպաստելու մեղադրանքով ձերբակալել են Մոլդովայի Հանրապետության քաղաքացիներ՝ 1981 թվականին ծնված Ս.Կ.-ին և 1984 թվականին ծնված Ա.Վ.-ին: Այս մասին հայտնում է Ներքին գործերի նախարարությունը:

Գերատեսչության տեղեկատվությամբ, մեղադրյալների անձնական իրերի, մեքենաների և ժամանակավոր բնակության վայրերի խուզարկության, ինչպես նաև անցկացված քննչական փորձարարության արդյունքում իրավապահ մարմինների աշխատակիցները որպես ապացույց նշված վայրերից առգրավել են վաճառքի համար պատրաստված «Մեթադոն» թմրանյութի մեծ քանակություն:

«Ոստիկանությունը նաև առգրավել է թմրանյութերի փաթեթավորման համար անհրաժեշտ նյութեր:

Հետաքննությունը շարունակվում է Քրեական օրենսգրքի 260-րդ և 260-4-րդ հոդվածներով, որոնք նախատեսում են մինչև 20 տարի կամ ցմահ ազատազրկում», – ասվում է ՆԳ նախարարության հայտարարության մեջ: