62-րդ գումարտակը դաշտային պարապմունքն ավարտեց Օրֆոլո զորավարժարանում
Օրֆոլո ռազմակայանում ավարտվել են պաշտպանության ուժերի արեւմտյան հրամանատարության 6-րդ հրետանային բրիգադի 62-րդ հրետանային գումարտակի դաշտային վարժանքները։
ՊՆ տեղեկատվության համաձայն՝ հրետանային գումարտակը վարժության ավարտական փուլում իրականացրել է ամփոփ մարտական կրակոցներ։ Ցուցադրական կրակոցներին հետեւել է պաշտպանության ուժերի արեւմտյան հրամանատար, բրիգադային գեներալ Կոբա Գրիգոլիան։
Եզրափակիչ դաշտային վարժանքներում ստորաբաժանումը հրետանային կրակային աջակցություն է ցուցաբերել կանխորոշված տարածքում և ոչնչացրել պայմանական հակառակորդին։ Զորավարժությունն անցկացվել է չորս փուլով, որոնք ներառում էին նախապատրաստում, տեղաշարժ, կատարում, համախմբում և վերակազմավորում։
10-օրյա պարապմունքի նպատակն էր բարձրացնել 62-րդ հրետանային գումարտակի ենթակա ստորաբաժանումների մարտական պատրաստվածության մակարդակը, ինտեգրել մարտական տարրերը և կատարելագործել համակարգված գործողությունները։