2022 թվականի փետրվարի 1-ից մինչև 2026 թվականի հոկտեմբերի 1-ը Վրաստան մուտք գործած և անընդմեջ գտնվող Ուկրաինայի քաղաքացիների համար բժշկական ծառայություններով ապահովման ժամկետը երկարաձգվել է մինչև հոկտեմբեր
Վրաստանի կառավարության որոշմամբ, Ուկրաինայի տարածքում ռազմական գործողությունների պատճառով 2022 թվականի փետրվարի 1-ից մինչև 2026 թվականի հոկտեմբերի 1-ը Վրաստան մուտք գործած և Վրաստանում անընդմեջ գտնվող Ուկրաինայի քաղաքացիների համար բժշկական ծառայություններով ապահովման ժամկետը երկարաձգվել է մինչև 2026 թվականի հոկտեմբերի 1-ը:
Համապատասխան կարգադրությունը ստորագրել է Վրաստանի վարչապետ Իրակլի Կոբախիձեն:
Փաստաթղթի համաձայն՝ Ուկրաինայի քաղաքացիները մինչև 2026 թվականի հոկտեմբերի 1-ը կօգտվեն հետևյալ բժշկական ծառայություններից. իմունիզացիա, տուբերկուլոզի և ՄԻԱՎ/ՁԻԱՀ-ի բուժում (այդ թվում՝ հատուկ դեղորայքով ապահովում), մայրական և մանկական առողջություն (այդ թվում՝ ծննդաբերական հսկողություն և նորածինների սկրինինգ), հոգեկան առողջություն, շաքարային դիաբետի վարում (այդ թվում՝ դեղորայքով ապահովում), դիալիզ, հազվադեպ հիվանդություններ ունեցող և մշտական փոխարինող բուժման ենթակա պացիենտների բուժում, ռեֆերալ ծառայություն՝ անհետաձգելի բժշկական օգնության ծառայություններ (այդ թվում՝ ծննդօգնություն և անհետաձգելի իմունիզացիա):
Տեղեկատվությունը տարածում է Վրաստանի կառավարության աշխատակազմը: