Վիճակագրության ծառայության տվյալներով՝ 2022 թվականի հունվար-մայիսին Վրաստանում ապրանքների արտաքին առևտրաշրջանառությունը (առանց չհայտարարագրված առևտրի) կազմել է 6 933,6 մլն. դոլար, ինչը 37,4 տոկոսով գերազանցում է նախորդ տարվա համապատասխան ժամանակահատվածը։ Արտահանումը 2 112,1 մլն. դոլար (աճը 37,5 տոկոսով), իսկ ներմուծումը կազմել է 4 821,5 մլն. դոլար (աճը՝ 37,3 տոկոս)։

Դրանց համաձայն՝ Վրաստանի բացասական առևտրային հաշվեկշիռը 2022 թվականի հունվար-մայիսին կազմել է 2 709,4 մլն. դոլար, որը կազմում է արտաքին առևտրաշրջանառության 39,1 տոկոսը։

«2022 թվականի հունվար-մայիսին տասը խոշոր արտահանող երկրների մասնաբաժինը Վրաստանի ընդհանուր արտահանման մեջ կազմել է 79,3 տոկոս։ Արտահանման ամենամեծ եռյակը հետևյալն է՝ Չինաստան (362,8 մլն ԱՄՆ դոլար), Ադրբեջան (224,1 մլն ԱՄՆ դոլար) և Ռուսաստան (210,3 մլն ԱՄՆ դոլար)։ 2022 թվականի հունվար-մայիսին ներմուծման տասը խոշորագույն գործընկեր երկրների մասնաբաժինը Վրաստանի ընդհանուր ներմուծման մեջ կազմել է 66,1 տոկոս։ Առաջին եռյակում են՝ Թուրքիան (830,0 մլն դոլար), Ռուսաստանը (553,9 մլն դոլար) և Չինաստանը (420,3 մլն դոլար): 2022 թվականի հունվար-մայիսին արտահանվող ապրանքախմբերի առաջին տասնյակում առաջին տեղն են զբաղեցրել պղնձի հանքաքարերը և խտանյութերը՝ 465,9 մլն. ԱՄՆ դոլարով, որը կազմում է ընդհանուր արտահանման 22,1 տոկոսը: Երկրորդ տեղում է ֆեռոհամաձուլվածքները՝ 285,7 մլն. ԱՄՆ դոլար (ընդհանուր արտահանման 13,5 տոկոսը), մինչդեռ երրորդ տեղում են ավտոմեքենաները՝ 191,0 մլն. ԱՄՆ դոլարով (9,0 տոկոս):

Ներմուծման ամենախոշոր ապրանքախումբը 2022 թվականի հունվար-մայիսին ներկայացվել է նավթի և նավթամթերքի տեսքով, որի ներմուծումը կազմել է 461,2 մլն. ԱՄՆ դոլար և կազմել է ընդհանուր ներմուծման 9,6 տոկոսը։ Երկրորդ տեղը զբաղեցրել են ավտոմեքենաները՝ 454,7 մլն. ԱՄՆ դոլար (ներմուծման 9,4 տոկոսը), երրորդ տեղում պղնձի հանքաքարերն ու խտանյութերն են՝ 371,8 մլն. ԱՄՆ դոլարով (ներմուծման 7,7 տոկոսը)»,- հայտնել են վիճակագրության ծառայությունից։