Ազգային վիճակագրական ծառայության նախնական տվյալների համաձայն՝ 2021 թվականին Վրաստանից ապրանքների արտահանման ծավալը (առանց չհայտարարագրված արտահանման) կազմել է 4 242,3 մլն. դոլար, ինչը 26,9 տոկոսով ավելի է նախորդ տարվա ցուցանիշից։

Ազգային վիճակագրական ծառայության տվյալներով՝ արտահանումն առանց վերաարտահանման կազմել է ընդհանուր արտահանման 73,7 տոկոսը։ Այս ցուցանիշը նախորդ տարվա նույն ժամանակահատվածի համեմատ աճել է 29,9 տոկոսով եւ կազմել 3 127,1 մլն. դոլարին հավասար։

Գերատեսչության նախնական տվյալներով՝ անցյալ տարի Վրաստանի ընդհանուր տեղական արտահանման մեջ տասը խոշորագույն երկրների մասնաբաժինը կազմել է 78,8 տոկոս։ Այս առումով արտահանման խոշորագույն գործընկերներն են Չինաստանը՝ 580,9 մլն. դոլարով, Ռուսաստան՝ 555,0 մլն. դոլար եւ Թուրքիա՝ 304,5 մլն. դոլարով։

Ինչ վերաբերում է ապրանքախմբերին, ապա 2021 թվականին տեղական արտահանման առաջին տասնյակում առաջին տեղում են պղնձի հանքաքարերը և խտանյութերը՝ 815,4 մլն. դոլարով, այս ապրանքախմբի մասնաբաժինը կազմում է ընդհանուր ներքին արտահանման 26,1 տոկոսը։ Երկրորդ տեղում ֆեռոհամաձուլվածքներն են՝ 477,4 մլն. դոլարով, մինչդեռ երրորդ տեղում է բնական խաղողի գինիները՝ 237,7 մլն. դոլարով։