2012 թվականի խորհրդարանական ընտրությունները այն ժամանակվա իշխանությունների կողմից կազմակերպված ամենադաժան կեղծիքների, մարդկանց ահաբեկումների, կաշառակերության և հետապնդումների դասական օրինակ էին,- այս մասին գրում է «Վրացական երազանք – ժողովրդավարական Վրաստանի» նախագահ, Բիձինա Իվանիշվիլին:

Նրա խոսքով, այսօր ոմանք անամոթաբար պարծենում են, որ այն ժամանակ տեղի է ունեցել իշխանության խաղաղ փոխանցում, ինչը, ինչպես միշտ, սուտ է և ցինիզմ:

Բիձինա Իվանիշվիլիի հայտարարությամբ, 2012 թվականին «Վրացական երազանքը» հաղթեց պատերազմում և բռնի կերպով, իր մեծ թվով աջակիցներով, ժողովրդավարորեն զիջել տվեց իշխանությունը, տարիներ շարունակ բռնազավթված բռնարար թիմից:

«Այժմ իրավիճակը էապես փոխվել է. «Վրացական երազանքը» երկու անգամ համոզիչ հաղթանակ է տարել ժողովրդավարական և ազատ ընտրություններում, ինչը հստակ և միանշանակորեն հաստատում է մեր ձեռագիրը: Այսպիսով, եթե մենք օբյեկտիվորեն վերլուծենք «Վրացական երազանքի» ընտրական հաջողությունը, ապա առանց չափազանցության կարող ենք ասել, որ դա սպասելի է և տրամաբանական: Իշխող թիմն այսօր իսկապես լավագույնն ու անփոփոխն է բոլոր քաղաքական դերակատարների շրջանում»,- ասված է նամակում: