Իրանի ռազմական հրամանատարությունը հայտարարում է, որ կփակի Հորմուզի նեղուցը՝ որպես պատճառ նշելով Իսրայելի կողմից Լիբանանի վրա հարձակումները: Տեղեկատվությունը հաղորդում է «CNN»-ը:

Հրամանատարության տվյալներով՝ նեղուցը կփակվի, քանի որ Իսրայելը խախտում է Լիբանանում հրադադարի համաձայնագիրը, իսկ ԱՄՆ-ն չի կատարել «Պատերազմի ավարտի մասին ժամանակավոր համաձայնագրի» առաջին պարբերությունը:

«Հաշվի առնելով Միացյալ Նահանգների անազնիվ գործողությունները և իր պարտավորությունների ակնհայտ խախտումը, մասնավորապես՝ Պատերազմի ավարտի մասին հուշագրի 1-ին հոդվածը չկատարելը, և ի պատասխան սիոնիստական ​​ռեժիմի կողմից Հարավային Լիբանանում հրադադարի համաձայնագրի շարունակական խախտումների, մենք հայտարարում ենք, որ Հորմուզի նեղուցը կփակվի նավագնացության համար», – ասվում է Իրանի զինված ուժերի Գերագույն համատեղ հրամանատարության կենտրոնական շտաբի՝ «Խաթամ ​​ալ-Անբիայի» հայտարարության մեջ, որը հեռարձակվել է IRIB պետական ​​​​հեռարձակողով: