12,4 տրիլիոն դոլար արժողությամբ Ուկրաինայի էներգետիկ հանքավայրերը, մետաղներն ու օգտակար հանածոները այժմ գտնվում են Ռուսաստանի վերահսկողության տակ

12,4 տրիլիոն դոլար արժողությամբ Ուկրաինայի էներգետիկ հանքավայրերը, մետաղներն ու օգտակար հանածոները այժմ գտնվում են Ռուսաստանի վերահսկողության տակ։ Այս մասին հայտնում է «Washington Post» ամերիկյան հրատարակությունը։

Հրատարակությունը գրում է, որ ռազմական ագրեսիայից հետո, բացի ածխի հանքավայրերի 63 տոկոսից, Ռուսաստանը վերահսկողություն է հաստատել Ուկրաինայի նավթի 11 տոկոսի, բնական գազի 20 տոկոսի, երկրի մետաղների 42 տոկոսի և հազվագյուտ և այլ կարևոր հանքավայրերի 33 տոկոսի վրա։

Որոշ հանքավայրեր դժվար է մուտք գործել կամ պահանջում են զննում՝ դրանց կենսունակությունը գնահատելու համար:

Ըստ հրապարակման՝ Ռուսաստանը գրավել է ածուխի 41, բնական գազի 27, պրոպանի 14, նավթի 9, երկաթի 6, ցիրկոնիումի երկու հանքավայր:

Ուկրաինայի Երկրաբանական ծառայության գլխավոր տնօրեն Ռոման Օպիմախը հայտարարել է, որ կառավարությունը դեռևս գնահատում է պատերազմի ազդեցությունն իր հանքային պաշարների վրա: