Տեխասի հրաձիգին չեն սպանել եկեղեցում, ինչպես հաղորդվել էր ավելի վաղ։ Դևին Պատրիկ Քելլին, ով երեկ հրաձգություն էր իրականացրել Տեխաս նահանգի Սազերլենդ-Սփրինգս բնակավայրի բապտիստական եկեղեցում, մահացած է գտնվել դեպքի վայրից ոչ հեռու՝ մեքենայում։ Այս մասին հայտնում է Associated Press-ը՝ հղում անելով նահանգային իշխանությունների հայտարարությանը։
Հաղորդվում է, որ հրաձգությունից հետո զենք ունեցող տեղի բնակիչներից մեկը սկսել է հետապնդել հրաձիգին։ Դրանից հետո Քելլիին մահացած են գտել մեքենայում։ Ներկայում հայտնի չէ, թե կոնկրետ ով է սպանել հարձակվողին։ Իշխանությունները չեն բացառում ինքնասպանության վարկածը։
Հրաձիգի արարքի շարժառիթների մասին չի հաղորդվում։ Նա 27 մարդու կյանք է խլել, կան տասնյակից ավելի վիրավորներ։
Քելլին 2010-14 թթ ծառայություն է անցել ԱՄՆ ռազմաօդային ուժերում և «ամոթով» հեռացվել 2014 թվականի մայիսին՝ զինվորական դատարանի որոշմամբ։ Այլ մանրամասներ հայտնի չեն։
Հեղինակ -
Edgar Barsegyan