Իսլանդացի լեգենդար երգչուհի Բյորկը ժամանել է Թբիլիսի
17:06, 28.10.2017
Իսլանդացի լեգենդար երգչուհի Բյորկը 12 մարդուց բաղկացած խմբով այսօր առավոտյան ժամանել է Թբիլիսի:
Բյորկը համերգներով է հանդես գալու հոկտեմբերի 31-ին Թբիլիսիի մեծ համերգային դահլիճում և նոյեմբերի 3-ին՝ մայրաքաղաքի Օպերայի և բալետի թատրոնում:
Համերգները ներկայացնում են ժամանակակից երաժշտության և վիզուալ արվեստի SOU փառատոնը և Վրաստանի Rooms Hotels հյուրանոցային բրենդը:
Կազմակերպիչների խոսքով՝ Օպերայի թատրոնում համերգի տոմսերը վաճառվել են ամբողջությամբ, իսկ Մեծ համերգային դահլիճում համերգի համար մնացել է միայն տոմսերի մի մասը:
