«Իլիա – Մեր ժամանակակիցը»- այս վերտառությամբ Իլիա Ճավճավաձեի 180 ամյա հոբելյանի առթիվ, Վրաստանի կառավարության կազմակերպմամբ՝ Թբիլիսիում, Սագուրամոյում և Ղվարելիում անց են կացվելու տարբեր միջոցառումներ:

Կառավարության վարչության մամլո ծառայության փոխանցմամբ, հոբելյանական միջոցառումները Սագուրամոյում սկսվելու են ժամը 11:00-ից Սագուրամոյի Իլիա Ճավճավաձեի տուն թանգարանից, որտեղ տեղի է ունենալու գրական մրցույթ թեմայով՝ «Իլիա-Մեր ժամանակակիցը»: Զուգահեռաբար Գուրամիշվիլիների մառանում Վրաստանի գյուղատնտեսության նախարար Լևան Դավիթաշվիլին հանդիպելու է ուսանողների հետ: Հոբելյանի առթիվ բացվելու են նաև մանկական զվարճալի անկյուններ, տեղի է ունենալու կինոցուցադրում, շնորհանդեսներ և տարբեր աքտիվություններ:

Երեկոն ամփոփվելու է «Սագուրամոյի բակը» վերտառությամբ երաժշտական նախագիծը:

Իլիա Ճավճավաձեի 180 ամյա հոբելյանի առթիվ Թբիլիսիից դեպի Սագուրամո և հակառակը բնակչությանը սպասարկելու է անվճար տրանսպորտ:

Այսօրևեթ ժամը 14:00-ին խորհրդարանի ազգային գրադարանի սրահում բացվելու է՝ «Իլիա Ճավճավաձե 180» ցուցահանդեսը:

Բացի այդ, ժամը 10:00-ից միջոցառումները սկսվել են Ղվարելիում: Ղվարելիի  Իլիա Ճավճավաձեի անվան թանգարանում, թանգարանի բացման 80 ամյակի կապակցությամբ բացվել է ցուցահանդես, իսկ երիտասարդական հրապարակի տարածքում բացվել է երիտասարդ նկարիչների աշխատանքների ցուցահանդես վաճառքը:

Նոյեմբերի 9-ին ժամը 19:00-ին, Թբիլիսիի Նոդար Դումբաձեի անվան պատանի հանդիսատեսի թատրոնում կայանալու է «Ճանապարհորդի նամակները» բեմադրությունը: