Թամար Տալիաշվիլին հանդիպել է հանրապետական կոնգրեսականներ Ուորեն Դևիդսոնի և Բրայան Բաբինի հետ
ԱՄՆ-ում Վրաստանի արտակարգ և լիազոր դեսպան Թամար Տալիաշվիլին հանդիպումներ է ունեցել հանրապետական կոնգրեսականներ Ուորեն Դևիդսոնի և Բրայան Բաբինի հետ։
Տեղեկատվությունը տարածել է ԱՄՆ-ում Վրաստանի դեսպանատունը։
Դևիդսոնը ԱՄՆ Կոնգրեսի Ազգային անվտանգության ենթահանձնաժողովի նախագահն է և Արտաքին հարաբերությունների և Ֆինանսական ծառայությունների կոմիտեների անդամ։ Բաբինը, ի թիվս այլոց, ԱՄՆ Ներկայացուցիչների պալատի գիտության և տեխնոլոգիաների կոմիտեի նախագահն է։
ԱՄՆ-ում Վրաստանի դեսպանատան տվյալներով՝ հանդիպումների ընթացքում կողմերը քննարկել են ԱՄՆ-ի և Վրաստանի միջև հարաբերությունների ամրապնդման հեռանկարները։
«Զրույցի ընթացքում անդրադարձ է եղել նաև տարածաշրջանում և միջազգային մակարդակով տեղի ունեցող աշխարհաքաղաքական և տնտեսական գործընթացներին, այդ թվում՝ «Միջին միջանցք» նախագծի կարևորությանը և դրանում Վրաստանի դերին։ Թամար Թալիաշվիլին շնորհակալություն է հայտնել Կոնգրեսին՝ Վրաստանի տարածքային ամբողջականության և ինքնիշխանության նկատմամբ անսասան աջակցության համար», – ասվում է դեսպանատան հայտարարության մեջ։