Գերմանիան և ԵՄ ևս 22 պետություն դրել են եվրոպական պաշտպանական միության հիմքը՝ նոյեմբերի 13-ին ստորագրելով ռազմական և պաշտպանական ոլորտում մշտական կառուցվածքային համագործակցության ընդլայնման մասին պաշտոնական ծանուցում։ Այս մասին ասված է ԵՄ խորհրդի կայքում տեղ գտած հայտարարության մեջ։
Պաշտպանական համագործակցության ընդլայնման շուրջ համաձայնության են եկել ԵՄ բոլոր երկրների պետությունների ներկայացուցիչները, բացի Դանիայից, Իռլանդիայից, Մալթայից, Պորտուգալիայից և Մեծ Բրիտանիայից, որը մտադիր է 2019-ի մարտին լքել ԵՄ–ն։ Այս 5 երկրները կարող են համաձայնագրին ավելի ուշ միանալ։ Ստորագրումից հետո փաստաթուղթը փոխանցվել է ԵՄ անվտանգության և արտաքին քաղաքականության հարցերով գերագույն հանձնակատար Ֆեդերիկա Մոգերինիին և ԵՄ Խորհրդին, փոխանցում է DW–ն։
PESCO–ի մասին ծանուցումը պարունակում է սկզբունքներ, որոնք ընկած են համագործակցության հիմքում, ինչպես նաեւ 20 պարտավորություններից բաղկացած ցուցակ, որոնք ստանձնում են մասնակիցները։ Դրանց թվում են պաշտպանական բյուջեի կանոնավոր մեծացումը և համատեղ պաշտպօանական նախագծերին մասնակցությունը։
Հեղինակ -
Edgar Barsegyan