Шьалуа Папуашвили – Асуверенитет ахьчаразы ахадаратә ҵакы амоуп амилаҭтә интересқәа рышьаҭала адәныҟатәи еизыҟазаашьақәа рымҩаҧгара, абасоуп шәамахьтәылеи, Азербаиџьани, Қырҭтәылеи шыҟарҵо

«Ҳара, ҳрегионаҿ аҭынчреи аҭышәынтәалареи реиқәыршәаразы зҵакы дуу атәыла ҷыда аҳасабала, ҳхатә позициақәа рырҕәҕәаразы, ҳгәылацәа зегьы рҟны иашьашәалоу аизыҟазаашьақәа рышьақәыргылара ҳгәы иҭоуп», — иҳәеит Қырҭтәыла апарламент ахантәаҩы Шьалуа Папуашвили.

Папуашвили ирантәи аделегациа Шәамахьтәылаҟа рнеира дахцәажәарц иҳәеит, избанзар, ақырҭуа оппозициа Қырҭтәыла анапхгара акритика рзыруеит Иран аҟны аимадарақәа рымшала.

«Уи алагьы иубарҭоуп аҩныҵҟатәи арадикалцәа ахшыҩдаратә ҳәамҭақәа шыҟарҵо. Аха, арҭ аҳәамҭақәа Џьо Уилсон иеиҧшу ауаа рҟынтә иаауеит. Зны Иран адгылаҩцәа,нас, Китаи адгылаҩцәа уҳәа, иаҳзырымҳәац акгьы иҟам. Аха, ишаабо ала, ҳрегионаҿ иҟоу атәылақәа абри аҩызаҵәҟьа апланқәеи адәныҟаполитикатә хырхарҭеи шрымоугьы, дара ирыдҳәаланы апретензиақәа иҟам. Убри аҟынтә, Џьо Уилсон иеиҧшу аполитикцәа рҟынтә иҳаҳауа акритика изакәызаалак ҵакык амам. Иарбанзаалак атәыла асуверенитет ала, раҧхьа иргыланы, иазҧхьагәаҭоуп ахатә амилаҭтә интересқәа ирышьашәаланы адәныҟатәи аполитика амҩаҧгара азин. Абасоуп Шәамахьтәылеи, Азербаиџьани, Қырҭтәылеи шыҟарҵо.  Ҳара, ҳрегионаҿ аҭынчреи аҭышәынтәалареи реиқәыршәаразы зҵакы дуу атәыла ҷыда аҳасабала, ҳхатә позициақәа рырҕәҕәаразы, ҳгәылацәа зегьы рҟны иашьашәалоу аизыҟазаашьақәа рышьақәыргылара ҳгәы иҭоуп», — иҳәеит Шьалуа Папуашвили.