2024 шықәса цәыббразы иалагаз Анаклиатәи абаҕәаза аинфраструктуратә усурақәа, аиқәшаҳаҭра инақәыршәаны, ихыркәшахоит хышықәса рыҩныҵҟала.

Аекономика аминистрра адыррақәа рыла, ақырҭуа партниорцәа инарываргыланы,  абаҕәаза амшынтә акватори аргыларатә усурақәа мҩаҧнагоит иреиҕьу европатәи амшынтә аргыларатә еилахәыра  — Jan De Nul N.V., ари аилахәыра иалхын жәларбжьаратәи атендер ашьаҭала.

Аилахәыра  «Анаклиа амшынтә баҕәаза» адиректор  Зураб Сиҷинава ишиҳәаз ала, аинфраструктуратә усурақәа активла имҩаҧысуеит.

Иара убас, иара ишиҳәаз ала, Даниа аҳҭнықалақьаҿ, Копенгаген иҟоу алабораториа  DHI аҿы ахыршаранӡа инеихьеит Анаклиа идыргылараны иҟоу  ацәқәырҧаҧҽыга иаиуа агидродинамикатә анырра аҭҵаара апроцесс.

«Уажәазы абаҕәаза аҵакырадгьылаҿ аргыларатә материалқәа реизгара ҳаҿуп, аргыларатә процесс ҧырхага амоурц азыҳәан.  1,5 км аура зауа ацәқәырҧаҧҽыга ҳаргылароуп. Иара убас, аплан иарбоуп абаҕәаза аҭаларҭатә канал арҵаулара, аҕба дуқәа абаҕәаза аҭалара рылшарц азыҳәан», — иҳәеит  Зураб Сиҷинава.

Иара иажәақәа рыла, Анаклиатәи абаҕәаза апроект азы апартниор  даналырхлак, акватори аҿы амшын усурақәа рыхәҭак инагӡазаауеит.