Жәлар рыхьчаҩ Қырҭтәыла апарламентаҿ «Аизарақәеи аманифестациақәеи ирызку» азакәан иаларгалараны иҟоу аҧсахрақәа дрыхцәажәеит, иара игәаанагарала, арҭ аҧсахрақәа рҿы  лабҿаба иубарҭоуп аамҭалатәи ашьақәыргыламҭақәа рыла, иаҳҳәап, акьалақәа рхархәарала агәаанагара аарҧшра аҧкра.

«Аҧсахрақәа инрықәыршәаны, аизарақәеи аманифестациақәеи рылахәылацәа, 5 мзызк рыла,  аамҭалатәи аконструкциақәа рыргылара азин рымам, Жәлар рыхьчаҩ игәаанагарала, арҭ амзызқәа апроектла иазҧхьагәаҭоу аҧкрақәа рышьақәыргыларазы иазхом.

Жәлар рыхьчаҩ ишазгәеиҭаз ала,  азакәанпроект аҿы излацәажәо ашәарҭарақәа ҟалар, уажәазы амч змоу анормақәа рыла иашьашәалоу ақәҿыҭра иазҧхьагәаҭоуп, ари аганахьала иацҵаны аҧкрақәа рышьақәыргылара ахәҭам», — иануп Жәлар рыхьчаҩ иаппарат аинформациаҿы.