Жьҭаара 13 рзы Дональд Трамп Израиль даҭауеит

16:40, 10.10.2025

Жьҭаара 13 рзы ЕАШ ахада Дональд Трамп Израиль даҭауеит, – аанацҳаит CNN.

Аларҵәара зауз адыррақәа рыла, Дональд Трамп ивизитаан атәылаҿ зықьҩыла аполициа аусуҩцәеи, аҳәаахьчаратә полициа хаҭарнакцәеи амобилизациа рзыруоит.

“Амҩақәа аркхоит, аҳаирпланқәеи адронқәеи Бен-Гурион ихьӡ зху аҳаирбаӷәазеи Иерусалими рхыԥраара алшахом”, – иануп аполициа аланарҵәаз аҳәамҭа аҿы.

Израиль апарламент аспикер Кнесет аҿы ақәгылараан Дональд Трамп Израиль ашҟа аофициалла дааиԥхьеит.