Иахьа Қырҭтәыла ахада Саломе Зурабишвили Еврокомиссиа ахада Урсула фон дер Лаиен дылҧылеит.

Зурабишвилии Лаиени асоциалтә аҳаҿы ари аиҧылара иахцәажәеит.

„Сара ахада Урсула фон дер Лаиен даҽазнык илзышьақәсырҕәҕәеит ақырҭуа жәлар европатәи ҳамҩа арццакра ишазҿлымҳау.  Иаҵшьны иазгәасҭеит  жьҭаара 26 рзы ақырҭуа жәлар европатәи рҧеиҧш иазкны ианаарыцҳалак,    аизолиациаҿы иҟамларцаз европатәи аморалтә адгылара аҵакы ду шамоу“, – илҩит Зурабишвили.

Еврокомиссиа ахада аиҧылара ашьҭахь ишылҳәаз ала, иааигәахо алхрақәа ақырҭуа демократиазы аҵакы хада рымазаауеит.

„Ҳаҭыр зқәу ахада,  Қырҭтәыла европатәи амҩа иазаашәырҧшуа азгәыкра иҳаракны ахә сшьоит. Ҳара зҵакы дуу аамҭазы ҳаиҧылеит, иааигәахо алхрақәа Қырҭтәыла адемократиазгьы Евроеидгыла-Қырҭтәылатәи еизыҟазаашьақәа рзгьы аҵакы хада рымазаауеит“, – илҩит Лаиен.