Украинатәи арратә хәҭақәа ақалақь Соледар иалҵит. Украинатәи арбџьармчқәа Мрагыларатә гәыҧ апресс-маӡаныҟәгаҩ Сергеи Череват арбџьармчқәа Соледар ианалҵыз арыцхә имҳәеит.
«Мызқәак инагӡоз агәымбылџьбаратә ақәҧара ашьҭахь, украинатәи арратә хәҭақәа Соледар ааныжьны, заанаҵы идырмазеиз апозициақәа рышҟа ихьаҵит», — иҳәеит украинатәи ар ахаҭарнак.
Урыстәыла Атәылахьчара аминистрраҿы ишырҳәаз ала, Соледар ҩымчыбжь раҧхьа иргеит.