Венгриа аҧыза-министр  Виктор Орбан иҳәамҭала, Евроеидгыла алаларазы Украинаҟны аиҿцәажәарақәа ралагара  «агха духоит», Венгриа ари агха иацәцароуп. Орбан ари аҳәамҭа ҟаиҵеит венгриатәи интернет-ҭыжьымҭа  Mandiner аинтервиу анеиҭоз.

Виктор Орбан ишиҳәаз ала, Венгриа ахатә позициа иақәныҟәоит, уи инақәыршәаны, Евроеидгыла алаларазы Украинаҟны аиҿцәажәарақәа ралагара иахәҭам, убри ацынхәрас, Украина астратегиатә партниорра адаргалароуп. Орбан даҽазнык иазгәеиҭеит ари азҵаара Евроеидгыла асаммит аусхәаҧштә ишаныхтәу, избанзар, Венгриа Украинаҟны аиҿцәажәарақәа ралагара иақәшаҳаҭхом.

«Евроеидгыла агха ду аҟаҵара иазыхиоуп, ҳара уи ҳацәцароуп,  26 алахәылацәа уи иадгыларгьы, ҳара урҭ аанаҳкылароуп. Ҳара Украина ҳадгылар ҳҭахызар, агеополитикатә ажәанҵа ҟаҳҵар ҳҭахызар, иҟаҳҵароуп, аха, алахәызаара ада», — иҳәеит  Орбан.