Цәыббразы Амиграциа адепартамент аусзуҩцәа 107-ҩык атәымтәылауаа Қырҭтәыла иалырцеит

11:37, 01.10.2025

Қырҭтәыла Аҩныҵҟатәи аусқәа рминистрра Амиграциа адепартаменти аминистрра иашьашәалоу аҟәшақәеи аҵыхәтәантәи амшқәа рзы еицымҩаҧыргаз акомплекстә усмҩаҧгатәқәа рҳәаақәа ирҭагӡаны, 107-ҩык атәымтәылауаа Қырҭтәыла иалырцеит.

Аҩныҵҟатәи аусқәа рминистрра аинформациа ала, атәыла иалырцеит: Урыстәыла, Индиа, Пакистан, Мысра, Туркменистан, Џьамтәыла, Нигериа, Камерун, Судан, Бангладеш, Иорданиа, Мианмар, Непал, Шьамтәыла, Азербаиџьан, Ефиопиа, ртәылауаа, зынӡа 107-ҩык.

Қырҭтәыла АҩАР адыррақәа рыла, атәымтәылауаа рыхәҭак рхатә гәаҧхарала атәыла иалҵит, егьырҭ мчыла адепортациа рызун. Азакәан инақәыршәаны, арҭ ауаа атәыла алалара азин рымам.

АЗИН