Евроеидгыла Аахыҵ Кавказ аҿы апроблемақәа рҭыҧқәҵара апроцесс  иаҳа активла алахәызаареи арегион аҟны аимадара арҕәҕәареи  иазыхиоуп. Европатәи Ахеилак ахада Шарль Мишель ари аҳәамҭа ҟаиҵеит Ереван имҩаҧигаз апресс-конференциаҿы.

«Евроеидгыла арегион аҿы иаҳа активра аарҧшреи, арегион атәылақәа рҟны аимадрақәа рырҭбаареи,  Мрагылратә партниорра асаммит азы аҽазыҟаҵареи иазҿлымҳауп», — иҳәеит Мишель.

Аполитик ишазгәеиҭаз ала, Евроеидгыла «Минсктәи агәыҧ» иацхраауеит Ашьха-ҟарабахтәи аимак аҭыҧқәҵара апроцесс аҿы.

«Арегион аҭышәынтәалареи ашәҭыкакаҷреи аиқәыршәаразы аусура нашәыгӡароуп.  Адискуссиақәеи аҭынчратә аиҿцәажәарақәеи аҵакы ду рымоуп. Евроеидгыла шәыдгылара иазыхиоуп, ҳара апроблемақәа рыӡбареи адемократиатә принципқәа рӡыргареи аҿы ҳшәыцхраауеит», — иҳәеит Шарль Мишель Никол Ҧашиниани иареи реиҧылара ашьҭахь имҩаҧгаз апрессконференциаҿы.