Қырҭтәыла апарламент ахантәаҩы Шьалуа  Папуашвили Дублин имҩаҧысуа Европа Ахеилак Апарламенттә Ассамблеиа апарламентқәа рхантәаҩцәа рконференциа ихы алаирхәоит.

Шьалуа Папуашвили ари аконференциаҿы дықәгылараны дыҟоуп. Иара убас, иара аҳәаанырцәтәи иколлегацәа рҟны  ҩ-ганктәи аиҧыларақәагьы мҩаҧигоит.  Ари аформатаҿ имҩаҧысуа аиҧыларақәа раан Шьалуа Папуашвили Евроеидгыла 12 абжьагарақәа рынагӡареи, Қырҭтәыла апрогресси, Евроеидгыла алаларазы акандидат астатуси далацәажәоит.

Шьалуа  Папуашвали ишиҳәаз ала, Евроеидгыла иалоу атәылақәа рҟынтә адгылара аҵакы ду амоуп.

«Дублин имҩаҧысуеит  Европа Ахеилак Апарламенттә Ассамблеиа апарламентқәа рхантәаҩцәа рконференциа, уаҟа, атематикатә зҵаарақәа инарываргыланы, ҩ-ганктәи аиҧыларақәагьы мҩаҧысуеит. Ҳәарада, ҳара ари аформат даҽазнык ҳхы иаҳархәоит  апарламентқәа реизыҟазаашьақәа рырҭбааразы. Иара убас, Евроеидгыла иалоу атәылақәа рпарламентқәа рхантәаҩцәа ҳрацәажәоит ҵыҧх иҟарҵаз агха ариашаразы  иахәҭоу аӡбара  адкылара иазкны. Ари аганахьала дара рҟынтә адгылара аҵакы ду амоуп», — иҳәеит Шьалуа Папуашвили.