Қырҭтәыла апарламент ахантәаҩы Шьалуа Папуашвили иҳәамҭала,  Азакәан аиҳаӡара иазку  2022 шықәсатәи аиндекс World Justice Project инақәыршәаны,  Қырҭтәыла актәи аҭыҧ ааннакылоит арегион 14 ҳәынҭқарра рыбжьара.

Шьалуа Папуашвили ари атәы иҩит  Facebook идаҟьаҿы.

«Азакәан аиҳаӡара иазку  2022 шықәсатәи аиндекс World Justice Project инақәыршәаны,  Қырҭтәыла актәи аҭыҧ ааннакылоит арегион 14 ҳәынҭқарра рыбжьара.  Қырҭтәыла, Евроеидгыла алаларазы акандидат астатус зауз атәылақәеи, Евроеидгыла иалоу 2 ҳәынҭқарраки, НАТО иалоу 5 ҳәынҭқарраки раҧхьа игылоуп.

Уажәшьҭа жәантәны афактқәа ашьақәырҕәҕәагақәа ириааит. Ҳара даҽазнык лабҿаба иаабеит Қырҭтәыла ахьӡ аларҟәра иазку адезинформациатә пропаганда шдуу.  Рашәарамзазы, Европатәи ахеилак аӡбара аднакылаанӡа, апарламент аилатәаратә залаҿ азҵаара иқәдыргылеит  – уажәтәи аҭагылазаашьаҿы Қырҭтәыла акандидат астатус ахәҭоума ҳәа  – аоппозициаа рҟынтәи аӡәык-ҩыџьак роуп знапы шьҭызхыз.

Ареитинг  World Justice Project (WJP)  шьақәдыргылоит иакымкәа аҭҵаарақәа рышьаҭала: аиҿкаара ахаҭарнакцәа аҳәынҭқаррақәа рҿы аекспертцәеи ауааҧсыреи рыгәҭа аҭҵаарақәа мҩаҧыргоит; аҭҵаара аметодологиа агәаҭара иалахәып Евроеидгыла акомиссиа аҭҵааратә центр; аҭҵаарақәа рылҵшәақәа риашара гәарҭоит егьырҭ ахадаратә реитингқәа  (Freedom House World Freedom Index, Transparency International Corruption Perception Index ирҿырҧшны», — иҩит  Шьалуа  Папуашвили.