«”Атехникатникатә еиҳабыра” апроект ахыбгалара ашьҭахь, арадикалтә оппозициа  “атехникатә парламент” апроект ашҟа ииасит, уи ажәлар иалырхыз апарламент аделегитимациа аҽазкроуп, аконституциатә шьақәгылашьа ишәарҭоу алахәмарроуп», — иҳәеит Қырҭтәыла апарламент ахантәаҩы Шьалуа Папуашвили иахьатәи абрифинг аҿы.

Папуашвили ишзгәеиҭаз ала, хымчыбжь ҵуеит апарламент Европатәи ахеилак ала ишьақәыргылоу 12 апириоритетқәа рзы аус ауеижьҭеи. Акомитетқәа зегьы ари азҵаара аус адулара иалагахьеит.

Иара иажәақәа рыла,  апарламенттә аа-гәыҧк рҟынтә 5 гәыҧк акомитетқәеи аусуратә гәыҧқәеи  русура активла иалахәып. Х-гәыҧк  – «Амилаҭтә ҵысреи», «Лелои»  «Аҕмашенебели истратегиеи» ари апроцесс алахәызааразы мап ркит.

Шьалуа  Папуашвили иҳәамҭала, абарҭ 3 гәыҧк  апартиақәа зегьы русеицура ахымҧадара иазкны Европатәи ахеилак абжьагара иатәамбақәа,  рхатә формат еиҿкааны, цәыббра инаркны аполитикатә радикализациеи адәахьы акциақәа рымҩаҧгареи ргәы иҭоуп.

Папуашвили иажәақәа рыла, абри аҩыза аполитикатә хымҩаҧгашьа аполитикатә полиаризациа арҕәҕәоит, Европатәи ахеилак иҳәаақәнаҵаз 12 пунктқәа рҟынтәи актәи апункт  — адеполяризациа иаҧырхагоуп.