Қырҭтәыла апарламент ахантәаҩы  Шьалуа  Папуашвили иҳәамҭала, иҳәынҭқарратәым аиҿкаарақәа рхаҭарнакцәа данырҧылоз,  Евроеидгыла абжьагарақәа ирылацәажәеит. Иара иажәақәа рыла, аиҧылараҿы иаҵшьны иазгәаҭан апункқәа рынагӡаразы апарламент  имҩаҧнагаз аусуреи ари апроцесс уажәазы изаҭагыло астадиеи.

«Ишыжәдыруа ала, аомбудсмени Аиустициа иреиҳаӡоу ахеилак алахәылацәеи ралхра ҳзаанхеит. Аполитикатә гәыҧқәа аиқәшаҳаҭхара иазҿлымҳауп, уи аҵакы ду амоуп. Ааҧынратәи асессиа аан ҳаиқәшаҳаҭхап  ҳәа сгәыҕуеит.

Иҵегьы 2 проектк иҟоуп  —  аӡбаратә реформеи адеолигархизациеи ирызку апроектқәа,  урҭ ирыдҳәаланы хәажәкыразы Венециатәи акомиссиа аихшьаала ҳазыҧшуп. Иҳаҩсыз амшқәа рзы Еврокомиссиа ахәшьара аабеит. Ажәлар лабҿаба ирбазар ҟалап Қырҭтәыла рашәарамзазгьы акандидат астатус анашьара шахәҭаз.  Сынтәа, ашықәс анҵәамҭанӡа Евроеидгыла ҳтәыла акандидат астатус аҭара иазкны аӡбара аднакылап ҳәа ҳгәыҕуеит», — иҳәеит  Шьалуа  Папуашвили.