Аекономикеи иҭышәынтәалоу аҿаиареи рзы аминистр Мариам Қвривишвили, Бақәа,  Қырҭтәылеи Азербаиџьани рыбжьара аенергетикеи атранспорти аусхкқәа рҿы иакымкәа астратегиатә еиқәшаҳаҭрақәа лнапы рыҵалҩит, урҭ рыбжьара иалкаатәуп   20 шықәса аҿҳәарала Қырҭтәыла аҧсабаратә газ аҭареи, афымца аҭареи, иара убас, атранзити ирызку аиҳабырабжьаратә аиқәшаҳаҭрақәа, –  ари атәы иануп аекономикеи иҭышәынтәалоу аҿиареи рзы аминистрра иаланарҵәаз аинформациаҿы.

Аминистрра адыррақәа рыла, ирыдыркылаз аиқәшаҳаҭрақәка рпакет  мызқәак ирылагӡаны ҩ-тәылак рыбжьара имҩаҧысуаз аиҿцәажәарақәа қәҿиарала рхыркәшара иабзоуроуп.

„Азербаиџьанынтә иацҵаны агаз аахәареи аҭиреи иазкны  2003 шықәсазы ирыдыркылаз аиқәшаҳаҭра аҿҳәара нҵәеит, убри аҟынтә, аиқәшаҳаҭра ҿыц адкылареи ари аҿҳәара даҽа  20 шықәсала анагӡареи аҵакы ҷыда амоуп аахыҵкавказтәи  агазмҩангага апроект аҳәаақәа ирҭагӡаны астратегиатә усеицуразы. Иара убас, Бақәа авизитаан аганқәа ирыдыркылеит Бақәа-Суҧса анефҭмҩангага ақырҭуа секциа иадҳәалоу аоперациатә аиқәшаҳаҭра, уи Ацентртә Азиа аҟынтәи Қырҭтәыла аҵакырадгьыл ала Европаҟа анефҭ атранзит аиҭалагара еиқәнаршәоит, уи абзоурала, ҳтәыла абиуџьет акырӡа иаҳа ирацәаны ахашәала аиуеит. Иара убас,  аганқәа ирыдыркылеит ҩ-ганктәи акоординациатә хеилак апротокол, уи инақәыршәаны, Бақәа-Қарҭ-Ҟарс аихамҩатә цыҧҵәаха ҿыц инагӡаны аусура иалагоит. Адокумент рнапы аҵарҩит Қырҭтәыла аекономикеи иҭышәынтәалоу аҿиареи рзы аминистр Мариам Қвривишвилии, Азербаиџьан арыцхәтә аҿиареи атранспорти рзы аминистр Рашад Набиеви. Аганқәа ирыбжьарҵаз аиқәшаҳаҭра инақәыршәаны, 6 шықәсатәи аангылара ашьҭахь, Қарҭи Бақәеи рыбжьара есымшатәи апассаџьыртә аихамҩатә анеиааира еиҭашьақәгылахоит лаҵара 26 инаркны. Қырҭәтылеи Азербаиџьани ирыбжьарҵаз аиқәшаҳаҭрақәа аҭоурыхтә ҵакы рымоуп, дара атәылақәа рыбжьара аекономикатә аимадарақәа дырҭбаауеит, Қырҭтәыла аенергетикатә әшарҭадара дырҕәҕәоит“, – иануп аинформациаҿы.