Қырҭтәыла апарламент ахантәаҩы Шьалуа Папуашвили скандинавтәи атәылақәа рҿы – Норвегиеи, Даниеи, Финлиандиеи, Швециеи  авизит мҩаҧигоит.

Норвегиа ивизитаан Шьалуа Папуашвили Норвегиа аҳ Ҳаральд V-тәии норвегиатәи иколлега  Масуд  Гарахани дырҧылоит.
Даниа Папуашвили  дидикылоит Даниа акралҧҳәыс Маргарет II. Иара убас, аплан иарбоуп даниатәи апарламент аспикер  Ҳенрик  Дам иҟны аиҧыларагьы.

Финлиандиа авизит аҳәаақәа ирҭагӡаны ақырҭуа делегациа алахәылацәа  Финлиандиа апарламент аспикер  Матти Ванханени егьырҭ адепутатцәеи ирҧылоит. Шьалуа Папуашвили Финлиандиа апарламент апленартә аилатәара аартра ихы алаирхәоит.

Қырҭтәыла апарламент ахантәаҩы скандинавтәи атәылақәа рҿы ивизит хиркәшоит Швециа аҳраҿы. Уаҟа Папуашвили  Швециа аҳ  Карл XVI Густави,  атәыла апарламент аспикери дырҧылоит.