Қырҭтәыла аҳаирбаҕәазақәа реидгыла Қәҭешьтәи жәларбжьаратәи аҳаирбаҕәазаҿ  3,5 км. аура зауа аҧырратә цәаҳәеи аеродромтә инфраструктуреи аргылара иалагоит.

Ари аинформациа аланарҵәеит Қырҭтәыла аҳаирбаҕәазақәа реидгыла.

Аинформациа ишану ала, ари апроект зеиҧшҟамлац ала ахә цәгьоуп, уи  240 миллион лари иаҧсоуп, ари аҧаратә аицҵалыҵ 2012-2024 шықәсқәа рзы Қәҭешьтәи жәларбжьаратәи аҳаирбаҕәазаҿ иҟаз акапиталтә харџьқәа раасҭа 40 млн лари ала еиҳауп.

«Апроект нанагӡоит аргыларатә еилахәыра  «Анаги», аплан инақәыршәаны, апроект хдыркәшараны иҟоуп 2026 шықәса ааҧынраз. Убри анеҩс, Қәҭешьтәи жәларбжьаратәи аҳаирбаҕәаза Қырҭтәылаҿ аҳаирбаҕәаза заҵәхоит аҧкрак ада аҳаирплан дуқәа рыдкылара зылшо. Иахьазы Қәҭешьтәи аҳаирбаҕәаза акод D ала аус ауеит, уи аҧырратә цәаҳәа  2,5 км. аура амоуп, убри аҟынтә, иахьазы уаҟа абжьаратә аидарамҩангара зылшо аҳаирпланқәа  мацара рыдыркылоит», — иануп Қырҭтәыла аҳаирбаҕәазақәа реидгыла аинформациаҿы.