Урыстәыла ампыҵахаларатә мчқәа  иҟарҵаз ацәгьоура цыԥхьаӡазы жәларбжьаратәи ауаажәлрра рҟынтә ақәҿыҭра аиуроуп, иара убас ауаҩытәыҩса изинқәа реилагаразы аҭак зыԥхықәу ахаҿқәа рганахьала асанкциақәа алагалатәуп, – иҳәеит Европарламент алахәыла Петрас Аустревичиус Страсбург, Европарламент асессиаҿ имҩаԥысуаз адебатқәа рҿы данықәгылоз.

Европарламент алахәыла иажәақәа рыла Қырҭтәыла аҵакыра 20% ампыҵахалара арратә ацәгьоуреи Қырҭтәыла атерриториатә акзаареи аазырԥшуа ишиашоу ашаҳаҭгоуп.

„Урыстәыла ампыҵахаларатә мчқәа апровокациақәа рполитика мҩаԥыргоит, ауааԥсыра атерор аҵаҟа иҟоуп, Қырҭтәыла атәылауаа имҵадырсуеит. Қырҭтәыла атәылауаҩ, 58 шықәса зхыҵуаз Ҭамаз Гинтури, урыстәылатәи ампыҵахаларатә мчқәа дыршьит. Уи дыршьит иаб инышәынҭрашҟа данцоз. Иара ицыз Левн Доҭиашвили закәандарала даанкылан“, – иҳәеит Петрас Аустревичиус.