Пекин адунеи зегьы реиҳа идуу аҳаирбаҕәаза аадыртит. Аҳаирбаҕәаза ҿыц 50 километр рыла Пекин иацәыхароуп.
Атерминал 700 аквадраттә метр ҵакыра амоуп.
Дасинтәи жәларбжьаратә аҳаирбаҕәаза ааиртит Китаи ахада Си Ӡинпин. Пекин ацентр аҟынтә аҳаирбаҕәазанӡа анеиразы 20 минут ауп иаҭаху.
Аспециалистцәа ргәаанагарала, 2021 шықәсанӡа аҳаирбаҕәаза ҿыц 45 миллионҩык апассаџьырцәа рымаҵ ауеит, анеҩс, апассаџьырцәа рхыҧхьаӡара 100 миллионҩык аҟынӡа иазҳар ауеит. 2024 шықәсазы аҳаирбаҕәаза инаӡаны аусура иалагоит.
Аҳаирбаҕәаза ҧшьышықәса аргылара иаҿын. Апроект иалаҵоуп 15 миллиард евро.