Моджтаба Ҳаменеи Иран Иреиҳаӡоу алидерс далхуп 

Иран ҧасатәи Иреиҳаӡоу алидер Али Ҳаменеи иҧа Моджтаба Ҳаменеи  Иран Иреиҳаӡоу  алидерс далхуп. Жәларбжьаратәи АИХқәа ари аинформациа аладырҵәеит ирантәи аҳәынҭқарратә медиа аинформациа ашьаҭала.

Иран Иреиҳаӡоу алидер инапынҵақәа рынагӡара далагаанӡа, атәыла иахагылоит 3ҩык рыла еиҿкаау ахеилак. Уи иалоуп: Иран ахада  Масуд Пезешкиан,  аӡбаратә мчра анапхгаҩы  Голамхосеин Мохсени Еџьен, хатәгәаҧхаларатәи апарамилитартә аиҿкаара анапхгаҩы  Алиреза Арафи.