Марокко иҟалаз адгьылҵысра амшала иҭахаз ауаа рхыҧхьаӡара азҳаит 820ҩык рҟынӡа

16:34, 09.09.2023

Марокко 6,8 амагнитуда амч змаз адгьылҵысра амшала иҭахаз ауаа рхыҧхьаӡара азҳаит 820ҩык рҟынӡа.

Атәыла Аҩныҵҟатәи аусқәа рминистрра адыррақәа рыла, 672 ҩык аахақәа роуит, урҭ рҟынтә 205ҩык рҭагылазаашьа цәгьоуп.

Абгара ду амшала азарал макьана ирзыҧхьаӡом. Ахаҳәрҟәарақәа рыҵаҟа уажәгьы ауаа иҟоуп.

Аҧсабаратә рыцҳара аепицентр иҟан Марракеш иазааигәаны, Атласстәи ашьхақәа рыгәҭа. 19 минут рышьҭахь иҕәҕәаӡаз афтершокқәа ҟалеит.

Аҧсабаратә рыцҳара амшала зегьы реиҳа иҕәҕәаз ааха аиуит Марракеш, уи ИУНЕСКО адунеизегьтәи ҭынха аобиектуп.