Леван Жоржолиани Туркменистан аиҳабыра рхантәаҩы ихаҭыҧуаа дырҧылеит

Қырҭтәыла аиҳабыра радминистрациа аиҳабы Леван Жоржолиани Туркменистан аиҳабыра рхантәаҩы ихаҭыҧуаа дырҧылеит, дара Қырҭтәыла иаҭааит Туркменистан ахада Сердар Бердимуҳамедов иофициалтә визит аҳәаақәа ирҭагӡаны. 

Аганқәа рхаҭарнакцәа еиуеиҧшым аусхкқәа рҿы ҩ-ганктәи аусеицуреи, иара убас, аполитикатәи аекономикатәи аимадарақәа рырҭбааразы иҟоу аперспективақәеи ирылацәажәеит.  

Аиҧылара алахәылацәа Абжьаратә коридор аҿиара аперспективақәа ирзааҭгылеит. Хшыҩзышьҭра ду азун Абжьаратә коридор аҿы Қырҭтәыла инанагӡо ароль. Туркменистан аиҳабыра рхантәаҩы ихаҭыҧуаа данырҧылоз, Леван Жоржолиани, Транскавказтәи коридор аҿиара ацхраара амзызла Қырҭтәыла аиҳабыра имҩаҧырго аинвестициатә проектқәа дрылацәажәеит.  

Аиҳабыра радминистрациа аиҳабы иҟны аиҧылара рхы аладырхәит Туркменистан аиҳабыра рхантәаҩы ихаҭыҧуаа аекономикатә хырхарҭала  – Гуванч Агаџьанови, Батир Анаиеви, Нокергули Атагулиеви, иара убас, Туркменистан ахәаахәҭреи адәныҟатәи аекономикатә еизыҟазаашьақәеи рзы аминистр Назар Агаҳанови.