Қырҭтәыла Жәлар рыхьчаҩ Леван Иоселиани Европа Ахеилак амаӡаныҟәгаҩ хада Мариа Пеичинович-Бурич дылҧылеит.

Жәлар рыхьчаҩ иаппарат аинформациа ишану ала,  аиҧылараҿы Жәлар рыхьчаҩи амаӡаныҟәгаҩ хадеи  ауаҩытәыҩса изинқәа рыхьчара аганахьала Қырҭтәыла иҟоу аҭагылазаашьа иалацәажәеит,  иаҵшьны иазгәаҭан евроинтеграциа азҵаареи 12 пунктқәа рыла ишьақәгылоу аплан анагӡареи аҵакы.

„Аганқәа рхаҭарнакцәа Жәлар рыхьчаҩ иаппарат аусушьеи,  уажәазы имҩаҧысуа апроектқәеи,   2023-2030 шықәсқәа рзтәи ауаҩытәыҩса изинқәа рыхьчара астратегиеи ауснагӡатәқәа рплани иалацәажәеит.

Европа Ахеилак амаӡаныҟәгаҩ хада иаҵшьны иазгәалҭеит ихьыҧшым аинституциа ароль ҷыда уажәазы атәылаҿ иҟоу аполиаризациа афонаҿ. Лара Жәлар рыхьчаҩ ҭабуп ҳәа иалҳәеит ауаҩытәыҩса изинқәа рыхьчара ахырхарҭала аусеицура бзиа азыҳәан,  лара ишылҳәаз ала,  абри апрактика наҟ-наҟгьы инагӡахап  ҳәа дгәыҕуеит“, – иануп Жәлар рыхьчаҩ иаппаратә аинформациаҿы.