Қырҭтәыла аекономикеи иҭышәынтәалоу аҿиареи рзы аминистр Леван Давиҭашвили иҳәамҭала, Қырҭтәыла аҧыза-министр  Иракли Ҕарибашвили, Давос имҩаҧысуа Адунеизегьтәи аекономикатә форум аҳәаақәа ирҭагаӡаны, иакымкәа апанельтә дискуссиақәа ихы рылеихәоит.

Давиҭашвили иажәақәа рыла, абизнес-проектқәа ирызку аконкреттә аиҧыларақәагьы мҩаҧыргоит.

«Давос  – ашықәс алагамҭаз акрызҵазкәа платформоуп,  уаҟа акыршықәса рыҩныҵҟа адунеитә бизнесхаҭарнакцәа еизаны, зҵакы дуу атенденциақәа ирызкны ргәаанагара еибырҳәоит.   Иара убас, уаҟа, апроектқәеи аинвестициақәеи ирызкны аконкреттә аӡбарақәа рыдыркылоит.  Убри адагьы, аҵыхәтәантәи ашықәсқәа рзы Давос, аекономикатә мацара акәымкәа, зҵакы дуу аполитикатә платформасгьы иҟалеит. Убри аҟынтә, ари аусмҩаҧгатә алахәызаара атәылазы аҵакы ду амоуп. Абизнесменцәа рҟны имҩаҧааго аконкреттә аиҧыларақәа инарываргыланы, аҧыза-министр иакымкәа апанельтә дискуссиақәа ихы рылеихәоит. Аҵыхәтәантәи амзақәа рзы ари ахырхарҭала активла аус аауан, аиҧыларақәа зегьы ирызкны заанаҵы  идыруп, урҭ рҟынтә алҵшәа бзиа ҳазыҧшуп, адунеи иреиҕьу аилахәырақәа Қырҭтәыла аҧара алаҵара иазҿлымҳахап ҳәа ҳгәыҕуеит», — иҳәеит Леван Давиҭашвили.