Қырҭтәыла, ахатә стратегиатә хықәкқәа рынагӡара азыҳәан, ҧхьаҟацара нанагӡоит: атәыла Евроеидгыла алаларазы акандидат астатус аиуит, зҵакы дуӡӡоу аинфраструктуратә проектқәа мҩаҧысуеит, убри ала,  „Абжьаратә корридор“ ахархәарала, аимадаразы алшара иазҳауеит, ауаҩытәыҩсатә капитал аҿиара иаҿуп, – иҳәеит афинансқәа рминистр Лаша Хуцишвили Азиатәи аинфраструктуратә инвестициақәа рбанк  (AIIB) 9-тәи ашықәстәи аиҧылара аҳәаақәа ирҭагӡаны имҩаҧгаз абанк анапхгаҩцәа рбизнессессиаҿы данықәгылоз.

Иара иажәақәа рыла, Азиатәи аинфраструктуратә инвестициақәа рбанк ақәҿиара дуқәа аиухьеит, азиатәи арегионаҿ еиуеиҧшым аинфраструктуратәи аҧсабарахьчаратәи проектқәа    аҧара ралаҵара ала.

Афинансқәа рминистр ишиҳәаз ала, афинанстә инструментқәа рдиверсификациеи алахәылацәа рыдгылареи абзоурала, проектқәа рзы аҭыҧантәи авалиутала афинансқәа рыҧшаареи авалиутатә ҵысрақәа ирхылҵуа ашәарҭарақәа абаланс рзуреи рылшоит.

„Агәра ганы сыҟоуп Азиатәи аинфраструктуратә инвестициақәа рбанк амҩа иаша ишану,  актуалтә ҵакы змоу аҧыжәарақәа хшыҩзышьҭра рзыруеит, уи абанк иалахәы аҳәынҭқаррақәа рзы аҵакы ду амоуп“, – иҳәеит Лаша Хуцишвили.

Ари аинформациа аланарҵәеит Афинансқәа рминистрра апрессмаҵзура.