Урыстәыла ахада Владимир Путини Китаи анапхгаҩы Си Ӡинпини жәларбжьаратәи еизыҟазаашьақәа репоха ҿыц алалареи аглобалтә иҭышәынтәалоу аҿиареи ирызку аҳәамҭа рнапқәа еицаҵарҩит. Ари атәы аарыцҳаит урыстәылатәи аих Кремль аҟынтә аинформациа ҵаҵӷәыс аҭаны.

“Аганқәа иазхарҵоит адемократиа ауаҩытәыҩса изы ауниверсалтә  хәынаӡароуп, уи ҳәынҭқаррак мацара привилегиас амам, адемократиа адгылареи ахьчареи адунеи ауаа зегьы еицырзеиԥшу хықәкуп,” – иануп Кремль аланарҵәаз атекст аҿы.

Адокумент ашьаҭатәи хәҭақәа иреиуоуп Пекини Москвеи асувеернитет змоу атәылақәа рыҩнуҵҟатәи усқәа аҽалагалареи, адунеитә шәарҭадара ахьчареи, “аԥштәырацәа змоу ареволиуциақәеи” рыҿагылара ргәы ишҭоу, “Шанхаитәи аусеицуразы аиҿкаара” арӷәӷәареи иҭышәынтәалоу аҿиара апринципқәа шьаҭас измоу аполицентрттә адунеитә аиҿкаашьа аԥҵара хықәкыс шрымоу, агәыцәтә ҳәынҭқаррақәа рахь ааԥхьара шыҟарҵоу агәыцәтә аибашьрақәа ррискқәа дырмаҷырц, аинтернет ахылаԥшразы азеиԥш зинқәа шрыдгыло уҳәа уб. егь.

Кремль аланарҵәаз атекст аҿыиаҵшьны азгәаҭоуп Нато арҭбаареи шырҿагыло, Аҩадаатлантикатә алианс “аибашьра хьшәашәа” аепоха ахаантәи аидеологиа мап ацәнакырц.