Кесариа Абрамиӡе лышьразы Қырҭтәыла апрокуратура аӡәы ахара иқәнаҵеит.

Аҩныҵҟатәи аусқәа рминистрра имҩаԥнагаз аусԥшаара аан ишеилкаахаз ала, Кесариа Абрамиӡе дишьаанӡа, ацәгьоуҩит иишьызи еицәҳан, еилыҵит.

Цәыббра 18, асаа 15:50 рзы Адам Мицкевич имҩаҿ иҟоу дәқьанк аҿы ахара зду Б.Џь. «Opinel» аҳәызба ааихәан, Кесариа Абрамиӡе лызнеира иӡбеит.

Ахара зду ахаҿы иажәақәа рыла, Кесаиа Абрамиӡе аиԥылара дақәшаҳаҭхеит асоциалтә акаҭаҿы Б.Џь.-и лареи еицҭырхыз рпаҭреҭ ацәыргара ацынхәрас. Б.Џь. ари дақәшаҳаҭхеит.

Абрамиӡе лышҟа даннеи, Б.Џь.-и иишьызи иареи еицәҳан, Б.Џь. ҳәызбала 28-нтә Абрамиӡе длысит. Кесариа Абрамиӡе иаразнак лыԥсҭазаара далҵит.

Б.Џь.  ахара иқәырҵеит Қырҭтәыла Ашьауҕатә закәанеидкыла 109-тәи ахәҭаҷ “ҭ”-и “м”-и ахәҭақәа рыла. Ари ацәгьоуразы 16 шықәса инаркны 20 шықәсанӡа ма ԥсраҽнынӡатәи аҭакра иазыԥхьагәаҭоуп.