Акоммуникациақәа рзы акомиссиа 2022  шықәсатәи аусура иазку аҳасабырба апарламентаҿ ацәыргараан акомиссиа ахантәаҩы  Каха Беқаури  адырраҭара аусхкы аҿы иҟоу атенденциақәа дрылацәажәан,  ишиҳәаз ала,  ҵыҧх Қырҭтәыла иҟан авторизациа змоу  116 ателеканалқәеи, алицензиа змоу  43 арадиодырраҭарақәеи,  22  иаарту амилаҭтә теледырраҭарақәеи.

Иара иажәақәа рыла, 2022 шықәсазы адырраҭара атранзиттә обонентцәа рхыҧхьаӡара   755 нызқь иаҟаран, аҵыхәтәантәи хәышықәса рдыррақәа рыла, шықәсыкала абонентцәа рхыҧхьаӡара азҳауеит  2,1%-ла.  Иара убас, акомиссиа ахантәаҩы ишазгәеиҭаз ала, ҵыҧхтәи адыррақәа рыла, атехнологиа  IPTV ҧасеиҧш аҧыжәара амоуп, уи атранзиттә дырраҭара аганахьала зегьы раасҭа аларҵәара змоу хархәагоуп.

Каха Беқаури аӡыргара аҟынтә ахашәалагьы дазааҭгылан, ишиҳәаз ала, 2022 шықәсазы адырраҭарақәа рзеиҧш аӡыргаратә хашәала  79,9 миллион лари иаҟаран.