Америкатә конгрессмен, Ҳельсинктәи акомиссиа ахантәаҩцәа иреиу  Џьон Уилсон иҳәамҭала, арратә ацәгьауҩы  Владимир Путин Китаи Акоммунисттә партиа изхылаҧшуа Анаклиатәи абаҕәаза ихы иаирхәоит Иранҟа абџьар анагаразы. Уилсон ари аҳәамҭа ҟаиҵеит Урыстәыла Иран иазаанарҧшуа ацхыраара иазкны акомиссиаҿы имҩаҧгаз азыӡырҩрақәа раан.

Иара иажәақәа рыла, Иран Урыстәыла асанкицақәа рывсра алшара анаҭоит.

«Ирантәи арежим Урыстәыла асанкциақәа рывсреи  аибашьразы аҧара арҳареи алшара анаҭоит.  Арратә ацәгьауҩы  Владимир Путин Китаи Акоммунисттә партиа изхылаҧшуа Анаклиатәи абаҕәаза ихы иаирхәоит Иранҟа абџьар анагаразы.  Иран   „Ақырҭуа гәахәтәы“ азакәандаратә режим аус рыцнауеит, Қырҭтәыла ари арежим ҧсахтәуп зхы иақәиҭу ииашоу алхрақәа рыла», — иҳәеит  Уилсон.

Џьо Уилсон иажәақәа рыла,  «Ақырҭуа гәахәтәы» Владимир Путингьы аус ицнауеит.

«Ирани Урыстәылеи Қырҭтәылаҿ активра ду аадырҧшуеит. Дара Америка иаҿагыло  „Ақырҭуа гәахәтәы“ арежим иадгылоит.  Ари арежим алегитимациа амам. Китаи Акоммунисттә партиа  Қырҭтәыла амшынеиқәатәи абаҕәаза Анаклиеи лассы иуҧымло аминералқәа рыла ахәаахәҭреи  иахылаҧшуеит. Абри зегьы зымҽхак дуу алҵшәа ахылҵуеит», — иҳәеит  Уилсон.