Иран Персиатәи аӡыбжьахала атәылақәа еиҭах ираахеит

18:19, 05.04.2026

Иран имҩаҧнагаз ажәылара амшала Еиду Араҧтәи Аемиратқәа рҿы иҟоу анефҭхимиатә зауад амца ацралеит. Ари аинформациа аланарҵәеи Еиду Араҧтәи Аемиратқәа аиҳабыра рпресс-маҵзура. Аинформациа ишану ала, ари азауад аилахәыра Borouge иатәуп. Азауад аусура аанкылоуп. Аӡәгьы дымҧсит.

Иара убас, Иран Бахреин анефҭ инфраструктурагьы иаахеит. Атәыла амилаҭтә анефҭ еилахәыра адыррақәа рыла, ирантәи ажәылара амшала резервуарк амца ацралеит.

Кувеит анапхгарагьы ирантәи адронқәа ржәылара иазку аинформациа аладырҵәеит. Атәылаҿы афымцатә станциақәа аҧхасҭа ду роуит. Аҭыҧантәи АИХқәа рдыррақәа рыла, дронк Кувеит Афинансқәа рминистрра ахыбра иаахеит, ари ахыбрагьы аҧхасҭа ду аиуит.