«Ишубарҭоу ала, апарламенттә алхрақәа раан  наӡынак, ма 2-3 наӡынак зауа аоппозициатә партиақәа рацәахоит, урҭ рызынтәгьы аколлективтә «Амилаҭтә ҵысра» иаҵанакуеит, аха, асиақәеи аконкреттә детальқәеи рзы изеиқәшаҳаҭымхеит, убри аҟынтә, аидҵара рцәыуадаҩхоит», — иҳәеит  «Ақырҭуа гәахәтәы» ахантәаҩы  Иракли Кобахиӡе.

Иара иажәақәа рыла, агәра ганы дыҟоуп  «Ақырҭуа гәахәтәы» ишаиааиуа.

«Аҵыхәтәаны, абри аҩыза асахьа ҳауеит – ҳәарада, ҳара апарламенттә алхрақәа рҿы аиааира ҳгоит, апарламентаҿ аиҳара ҕәҕәа ҳамазаауеит.  Уажәтәи апроцессқәа нагӡахоит ҳәа сгәы иаанагоит, уи абзоурала, ҳара  9-тәи аиааира ҳгоит. Гварамиа ипартиагьы абарҭ апроцессқәа рынагӡароуп. Еиҭасҳәар сҭахуп наӡынактәи ма 2-3 наӡынактәи апартиақәа шаҟа ирацәахо аҟара, апроцессқәеи аҿиареи иаҳа ирзеиҕьхоит», — иҳәеит  Кобахиӡе.