Қырҭтәыла аҧыза-министр Иракли Ҕарибашвили ЕАР аҿы еиуеиҧшым атәылақәа еснагьтәи рхаҭарнакцәа дырҧылеит.

Аиҳабыра радминистрациаҿы имҩаҧгаз аиҧылараҿы атәылақәа русеицура адинамика иалацәажәеит. Иаҵшьны иазгәаҭан азеиҧш интересқәа рышьаҭала аусеицура арҕәҕәара аҵакы.

Аҧыза-министр ишазгәеиҭаз ала, аглобалтә партниорра арҿиара азҵаара Қырҭтәыла аиҳабыра рзы аҧыжәара змоу азҵаарақәа иреиуп.

Аиҧылара алахәылацәа алҵшәа зхылҵуа ареформқәа рымҩаҧгара аганахьала Қырҭтәыла иҟоу апрогресс азгәаҭаны, ишырҳәаз ала,  еиуеиҧшым аусхкқәа рҿы ақәҿиара зхылҵыз, жәларбжьаратәи азхаҵара зауз ақырҭуа реформақәа дара ртәылақәа рҿы раларҵәара иазыхиоуп.

ЕАР аҿы еиуеиҧшым атәылақәа еснагьтәи ахаҭарнакцәа шықәсқәак ирылагӡаны, есышықәса  Қырҭтәыла иаҭаалоит. Ацҳаражәҳәаҩцәа рвизит хықәкыс иамоуп атәыла аҿиареи, аекономикатә алшарақәеи, имҩаҧгоу ареформақәеи ирызку аинформациа аиура.