«Аҵыхәтәантәи ашықәсқәа рзы имҩаҧгаз ареформақәа зегьы рыбзоурала евроинтеграциа лабҿабарас иҟалеит», — иҳәеит Қырҭтәыла аҧыза-министр Иракли Ҕарибашвили   «Абаандаҩцәеи аҿҳәаранӡа иоурыжьҭыз ауааҧсыреи  реиҭашьақәыргылареи рресоциализациеи аҿы аҿыцҧшьгарақәа» захьӡу аконференциаҿы данықәгылоз.

Аҧыза-министр иажәақәа рыла, аҵыхәтәантәи жәашықәса рыла атәыла аиҳабыра амаксималтә алҵшәақәа роуит.

Иракли Ҕарибашвили данықәгылоз, аиустициа аминистр ҭабуп ҳәа иеиҳәеит қәҿиарала аусуреи  ареформақәа рымҩаҧгареи азыҳәан.

«Ишыжәдыруа еиҧш, аҵыхәтәантәи жәашықәса рыла амаксималтә алҵшәақәа ҳауит. Ассоциациа иазку аиқәшаҳаҭра, авизадатә режим, зхы иақәиҭу ахәаахәҭра, европатәи аперспектива, насгьы, уажәы ҳтәыла европатәи аҧеиҧш зырҕәҕәаша акандидат астатус ҳазыҧшуп. Аиустициа аминистр Рати Брегаӡеи игәыҧи  даҽазнык ҭабуп ҳәа расҳәар сҭахуп қәҿиарала аусуреи ареформақәа рымҩаҧгареи азыҳәан», — иҳәеит Иракли Ҕарибашвили.