Fгәырҕьара дула ишәыдысныҳәалоит аҭоурыхтә аӡбара  – Қырҭтәыла Евроеидгыла алаларазы акандидат тәылас иҟалеит. Шәызынтәгьы ишәыдысныҳәалоит! Атәылауаҩ цыҧхьаӡа иахьатәи аҭоурыхтә амш идысныҳәалар сҭахуп. Аиашаз, уи ҳтәылеи ҳажәлари риааироуп, – иҳәеит Қырҭтәыла аԥыза-министр Иракли Ӷарибашвили.

Иракли Ӷарибашвили Евреоидгыла алидерцәа иҭабуп ҳәа раиҳәеит.

„Европатәи ҳҩызцәа гәыкала ҭабуп ҳәа расҳәар сҭахуп. Раҧхьа иргыланы, ҳаҭыр зқәу Урсула фон дер Лаиен ҭабуп ҳәа ласҳәоит. Ҭабуп ҳәа иасҳәар сҭахуп ҳаҭыр зқәу Шарль Мишель, иара уажәы дысзасын, ихаҭа иахьатәи амши абри аҭоурыхтә аиааиреи  сыдиныҳәалеит. Иара убас, сара ҳаҭыр сымоуп ихьӡала  ақырҭуа жәлар рыдныҳәалара.  Ҷыдала ҭабуп ҳәа иасҳәар сҭахуп ҳаҭыр зқәу Варҳеи, иара активла ари апроцесс далахәын, ҳаҭыр зқәу Урсулеи Шарль Мишели дрывагыланы, гәыкала абри аус дазықәҧон, насгьы, ихадоу  – Евроеидгыла иалоу  27 ҳәынҭқаррақәа рлидерцәа зегьы ҭабуп ҳәа расҳәар сҭахуп еицҿакны иаҳзаадырҧшыз адгылареи агәрагареи азыҳәан“, – иҳәеит аҧыза-министр.

Сара ҳаҭыр сыман ҳтәыла ахьӡала, ҳгәыҧ рыхьӡала, зны Ассоциациа иазку аиқәшаҳаҭра анапаҵаҩра, анеҩс, сара аҧыза-министрс саныҟаз, қәҿиарала ихьҳаркәшеит авизадатә режим иазкыз аиҿцәажәарақәа, ҵыҧх сара ҳаҭыр сыман ҳтәыла ахьӡала, аофициалла, Евроеидгыла алалара иазкыз азыҳәамҭа аҟаҵара. Ҵыҧх ҳара европатәи аперспектива ҳауит, убри ала ишьақәырҕәҕәан ҳтәыла европатәи аҭаацәара алахәылас ишыҟало, иахьа, ҧхынҷкәын 14, аҭоурыхтә рыцхәны иаанхоит. Иахьарнахыс Қырҭтәыла европатәи ҳәынҭқарроуп. Қырҭтәыла Евроеидгыла акандидат тәылоуп. Акыр иаҧсоу ҳтәылауаа, ари аиааира шәара ишәтәуп, уи ҳусура иахылҵит, абри аҭоурыхтә аиааира аус аҿы лагалак ҟазҵаз, ҳтәыла абри аиааира ду азаазгаз ауаа зегьы даҽазнык ҭабуп ҳәа расҳәоит“, – иҳәеит Қырҭтәыла аԥыза-министр Иракли Ӷарибашвили.Европатәи ахеилак аӡбарала Қырҭтәыла

Евроеидгыла алаларазы атәыла-кандидат статус анашьоуп.