Имҩаԥгаз аҭҵаарақәа рыла, ишьақәгылоу агәаанагара змам аштатқәа: Џьорџьиеи, Аризонеи, Невадеи, Аҩадатәи Каролинеи рҿы Дональд Трамп аԥхьагылара имоуп, Камала Ҳаррис – Висконсини Мичигани рҿы, – аанацҳаит ВВС.

Акьыԥхь аинформациала, Пенсильваниеи Мичигани ишьақәгылоу агәаанагара змам аштатқәат рыбжьара ихадароу штатқәас иԥхьаӡоуп. Жәашықәсақәа рыбжьара Мичиган ауааԥсыра адемократцәа ирыдгылон, аха ари атенденциа 2016 шықәсазы ԥсаххеит, аштат Дональд Трамп идгылеит. 2020 шықәсатәи алхрақәа раан Мичиган еиҭа адемократцәа ркандидат Џьо Баиден адгылара изаанарԥшит.

Аколлегиаҿ Пенсильваниа зегь реиҳа ирацәаны аделегатцәа амоуп -19-ҩык, Мичиган – 15. Иашьҭанеиуа хәштатк рҿы аколлегиа алахәылацәа абас ишоуп: Џьорџьиа – 16, Аризона – 11, Невада – 6, Аҩадатәи Каролина – 16, Висконсин – 10.

Алхратә коллегиа 538-ҩык аделегатцәа иалоуп, алхрақәа рҿы аиааира агаразы апрезидентрахь акандидат 270 бжьы иоуроуп.