«Чехиа Евроеидгыла ахеилак аҿы ахантәаҩра анамоу аамҭазы ари атәыла адәныҟатәи аусқәа рминистр Иан Липавски ивизит  аҵакы ду амоуп, ганкахьала ари авизит  даҽазнык ишьақәнарҕәҕәоит ҩ-тәылак реизыҟазаашьақәа шыҕәҕәоу, егьи аганахьала, лабҿаба иубарҭоуп Чехиа Евроеидгылахь Қырҭтәыла алалара ишадгыло», — иҳәеит Қырҭтәыла адәныҟатәи аусқәа рминистр Илиа Дарчиашвили  чехиатәи иколлега Иан Липавски даниҧыла ашьҭахь аганқәа еицымҩаҧыргаз апресс-конференциаҿы.

Аиҧылараҿы Илиа Дарчиашвили чехиатәи иколлега инарҭбаау аинформациа ииҭеит Қырҭтәыла ала Евроеидгыла абжьагарақәа рынагӡара апроцесс шымҩаҧысуа азы, иара убас, иаҵшьны иазгәаҭан евроинтеграциа апроцессаҿ Қырҭтәыла апрогресс.

Аминистр иажәақәа рыла, аиҧылараҿы иаҵшьны иазгәаҭан атранспорттәи алогистикатәи арегионалтә центр ҳасабала Қырҭтәыла инанагӡо ароль ду, иара убас, иаҵшьны иазгәаҭан Европа аенергетикатә шәарҭадара арҕәҕәараҿы Қырҭтәыла иамоу аҵакы.

Дарчиашвили иҳәамҭала, арегионаҿ Қырҭтәыла Евроеидгылазы ахадаратә партниорс иаанхоит, ашықәс анҵәамҭанӡа  Бриуссель аҟынтәи зыҩаӡара ҳараку иакымкәа авизитқәа мҩаҧысраны иҟоуп, уи азеиҧш интересқәа ирыҵнакәа азҵаарақәа рылацәажәаразы алшара бзиоуп.

Авизит аҳәаақәа ирҭагӡаны, Чехиа адәныҟатәи аусқәа рминистр Қырҭтәыла аҧыза-министргьы диҧылоит.