Қырҭтәыла Адәныҟатәи аусқәа рминистр Илиа Дарчиашвили, ЕАР ассамбдеиа хада аҳәаақәа ирҭагӡаны, Аусеицуреи ашәарҭадареи рзы европатәи аиҿкаара амаӡаныҟәгаҩ хада Ҳелга Шмид  дылԥылеит.

Қырҭтәыла Адәныҟатәи аусқәа рминистрра апрессмаҵзура аинформациа ала, аиԥылараҿ иазааҭгылеит Қырҭтәылеи Аусеицуреи ашәарҭадареи рзы европатәи аиҿкаареи ирыбжьоу  аусеицура ақәҿиарақәа. Ақырҭуа министр амаӡаныҟәгаҩ хада иҭабуп ҳәа лаиҳәеит аиҿҟаараҿ Қырҭтәыла азҵаара аҩаӡара ду аҿы ахьыҟоу, иара убас аимак ҭынч мҩала аҭыԥқәҵара апроцесс аҿы Аусеицуреи ашәарҭадареи рзы европатәи аиҿкаара адгылареи рзы.

Аусҳәарҭа апресмаҵзура аҟынтә ишаарыцҳаз, аиԥылараҿ Аахыҵ Кавказ аҿы аҭынчреи аҭышәынтәалареи рышьақәыргылараҿы Қырҭтәыла амоу ароль иахцәажәеит.

“Аусеицуреи ашәарҭадареи рзы европатәи аиҿкаара амаҿаныҟәгаҩ хада иаҵшьны иазгәалҭеит Қырҭтәыла асуверенитети атериториатә акзаареи шрыдгыло, иара убас иазгәалҭеит Аусеицуреи ашәарҭадареи рзы европатәи аиҿкаара Урыстәыла-Қырҭтәылатәи аимак аҭыԥқәҵара апроцесс аҽалархәра шынанагӡо,” – иануп аинформациа аҿы.