«Адунеиаҿ еснагь атәатәеиәқымшәара иҟан, аха,   иахьа адунеиаҿ имҩаҧысуа аибашьрақәа ҷыдала ишәарҭоуп,  избанзар арҭ аибашьрақәа адунеизегьтәи  арыцҳара дуӡӡа рхылҵыр ауеит,  убри аҟынтә,  иҳалшо ала аҭынчра ҳаиҷаҳароуп.  Укрҽаинеи,  Ааигәатә Мрагылареи,  инеизакны адунеи Анцәа иныҳәааит», —  иҳәеит Қырҭтәыла Акаталикос-Патриарх Илиа Аҩбатәи Қьырсатәи иныҳәараҿы.

Апатриарх ишиҳәаз ала,  ақьырсианра аҳәынҭқаррақәа рацәа рҭоурыхаҿ ахадаратә роль нанагӡеит,  аха,  аҵыхәтәантәи аамҭазы адинхаҵара ҧсыҽхеит,  анцәахамҵара иаҳа иаабоит.

«Зегьы раҧхьа игылоуп апринцип  — сморали схәаҧшырақәеи роуп сдинхаҵара ҳәаақәызҵо; уи ииашам,  избанзар,  Анцәа ихаҵареи ибжьагарақәа рықәныҟәареи ауп адунеихәаҧшышьа ҳәаақәызҵо.

Иахьа,  зеиҧшҟамлац ала,  ашәарҭараҵәҟьа ҳҭагылоуп,  избанзар,  ауаҩытәыҩсатә егоцентризм Ҳазшаз ҳзишаз ахықәкы азы шәарҭоуп,  адунеи атехнологиақәа рыла аҿиара иаҿуп,  аха,  ҳдоуҳатә прогресс иаҵахоит,  убри аҟынтә,  апсихологиатәи абиоетикатәи проблемақәа рацәа ҳазцәырҵуеит», — иануп ааҧхьараҿы.